Зачленете се во нашиот клуб на читатели и најновите текстови ќе ги добивате на вашата мејл адреса
Вечерва на Градскиот плоштад Куманово, по повод Денот на градот, концерт ќе одржи српската фолк ѕвезда Аца Лукас.
Концертот ќе започне во 20.30 часот, ќе трае два часа по што ќе следува спектакуларен огномет.
Лукас во Куманово ќе пристигне околу 18 часот, а концертот започнува во 20.30 часот. Ќе пее со свој бенд од Белград, кој во 17 часот ќе има тонска проба. По завршување на концертот Лукас ќе биде наш гост во еден од кумановските ресторани каде ќе бидат и останатите гости од земјава и странство што ќе пристигнат за прославата за 11 Ноември, Денот на градот- вели Нино Величковски, директор на Фондацијата за култура и спорт.
Хонорарот на Лукас чини 13 000 евра. Сретствата се обезбедени од општинскиот буџет и со помош на бизнис- заедницата од градот.
Концертот го организира Фондацијата за култура и спорт, под покровителство на градоначалникот и Советот на општината Куманово.
Минатат година за Денот на градот пееше Харис Џиновиќ.
Зачленете се во нашиот клуб на читатели и најновите текстови ќе ги добивате на вашата мејл адреса
