Зачленете се во нашиот клуб на читатели и најновите текстови ќе ги добивате на вашата мејл адреса
Иако Лорин Вајсбергер не потврдила дека во својата книга „Ѓаволот носи Прада“ ја опишала Ана Винтур, актерката Мерил Стрип ги демантираше гласините дека по ликот на модната икона го градила ликот на строга и бездушна уредничка на модното списание на Миранда Присли.
- Инспирација за тонот и гласот ми беше Клинт Иствуд - открила актерката за магазинот "Variety", 10 години по фантастичната улога во „Ѓаволот носи Прада“.
Актерката вели дека познатиот актер никогаш не подигнува глас и дека обично соговорникот мора да се приближи за да го слушне што зборува, со што автоматски станува најмоќна личност во собата, а во нејзиниот лик тоа го дава посакуваниот резултат.
Според зборовите на актерката Ен Хетавеј, која исто така игра во филмот „Ѓаволот носи Прада“, кога Мерил на пробите го постигнала ефектот на „тивкиот говор“, сите зинале од одушевување.
Смислата за хумор на Миранда Присли, Стрип ја превземала од Мајк Николас, со кој работела на бројни филмови.
Што се однесува до изгледот на Миранда Присли, оскаровката открива дека имала две музи за инспирација: сакала комбинација на бела коса на супермоделот Кармен Делорфис и ненападна елеганција и непобитен авторитет на француската економистка Кристин Лагард.
Сепак, иако за успех на филмот допринела со својот лик, Стрип замалку ке ја одбиела улогата поради иницијалната понуда, која на крај и била двојно зголемена.
Фото (www.rantchic.com)
Зачленете се во нашиот клуб на читатели и најновите текстови ќе ги добивате на вашата мејл адреса
