Мет Дејмон повторно ќе го глуми Џејсон Борн

Во најновото четврто продолжение кое својата премиера ќе ја доживее во август, главната улога му е доделена на Џереми Ренер, кој глуми сосема различен лик од оној на Дејмон. Продуцентот на филмот Френк Маршал, изјави дека кога станува збор за наредното продолжение сите опции се отворени и тој би сакал да ги спои Дејмон и Ренер како тим.

Иако ова ги подгреа надежите кај фановите, не треба да се положува преголема надеж во реализацијата бидејќи Дејмон не е во добри односи со студиото Universal, особено откако имаше расправија со режисерот на новото продолжение, Тони Гилрој.