Миранда Кер е новото заштитно лице на Манго

Кер веќе почна да го снима едиторијалот со цел промоција на колекцијата пролет/лето 2013 година.

Уште не е познато зошто Мос, која се покажа како одлично лице за промоција на брендот, се повлече од својата улога. Уште кога ја ангажираа од куќата постоеше скептичност во однос на тоа колку Кејт ќе успее да ја крене продажбата, но се покажа дека скептиците не биле во право, а продажбата на брендот се зголеми.

Во јавноста веќе излезе една фотка од фотосесијата на Кер, која изјави дека ги обожава модните парчиња на „Mango“.

Освен Кејт Мос и сега веќе Миранда Кер, заштитно лице на брендот досега биле голем број познати жени како што се Каролина Куркова, Наоми Кемпбел, Клаудија Шифер, Мила Јововиќ и уште неколку други убавици од светот на модата.