Најдобрите песни од минатата година

04.02.2013 10:44 | KumanovoNews

Песната „Clocks“ на Колдплеј е прогласена за најдобра песна во последните 10 години според изборот на слушателите на британското радио BBC Radio 6 Music.

Хитот од 2003 година ја надмина химната на Арктик Манкис „I Bet You Look Good On The Dancefloor“ која стигна до второто место.

Песната „Clocks“ е прв наш обид да направиме песна во која се почнува од мелодиската линија, а не од рефренот. Нашиот менаџер тврдеше дека песната никогаш нема да биде хит, а видете до каде не доведе таа нумера- вели Вин Чемпион од групата.

Во анкетата учествуваа повеќе од 100.000 слушатели кои во текот на јануари ги бираа 100-те најдобри песни. Интересно е дека меѓу првите десет доминираат бендовите кои се добри концертни изведувачи.

Најдобро пласираниот соло изведувач е Џони Кеш кој се најде на осмата позиција, благодарение на неговата верзија на песната „Hurt“. Меѓу пејачките, најдобро пласирана е Лана Дел Реј со песната „Video Games“ која стигна до 24 место, додека хитот на Ејми Вајнхаус „Rehab“ е на 25 позиција.

BBC Radio 6 Music почна да емитува програма во Март 2002 година и според сопствената проценка, на крајот на минатата година ја надминаа бројката од милион емитувани песни.