Зачленете се во нашиот клуб на читатели и најновите текстови ќе ги добивате на вашата мејл адреса
Со песната “Животот е како река“ на фолк вечерта во понеделник Нино Величковски настапи на “Охрид фест“ и се пласираше на второто место.
За првпат соработувам со Ивана Катареновска која го напиша и текстот и музиката. Аранжманот е на Тане Петров, колега од групата “Био ритам“. Оваа песна е напишана баш како за мене. Второто место од стручното жири ми дава една надеж дека фестивалот навистина чекори напред, имаше поголема конкуренција со пејачки имиња како што е Наум Петрески, Зуица Лазова, Виолета Томовска, Елена Георѓиева, да не ги набројувам сите. Го ценам изборот на жирито и наградата. Овој пат настапив сам без моите тамбураши. Секогаш кога имам добра песна понудена прифаќам - вели Нино Величковски.
Величковски планира 30 годишната музичка кариера да ја заокружи со издавање на албум и Монографија. На охридскиот фестивал досега настапувал десет пати. “Валандово“ и “Охрид фест“ се фестивали на кои Величковски најчесто се појавувал и најмногу ги цени бидејќи смета дека се манифестации со реноме.
Зачленете се во нашиот клуб на читатели и најновите текстови ќе ги добивате на вашата мејл адреса
