Нов филм за Џулијан Асанж

Во филмот за контроверзниот веб сајт „Викиликс“ главната улога ја игра Бенедикт Камбербач, познат по улогата на Шерлок Холмс во новиот серијал на Би-Би-Си.

„Fifth State“ почнува со прикажување на првите денови на „Викиликс“ и односот помеѓу Џулијан Асанж и Даниел Домшајт-Берг (Даниел Брул), па се до објавувањето низа контроверзни информации и документи кои ја променија официјалната историја.

Можеби ќе поминат децении се додека не го сфатиме целосното влијание на Викиликс и начинот на кој внесе револуција и ширење на информациите“, вели Кондон. „Овој филм нема да се обидува да „соли памет“, ниту дава конечна пресуда, туку ја истражува целата комплицираност и предизвиците со кои денес се соочува транспарентноста на информациите и, се надеваме, да ги оживее и збогати разговорите кои веќе Викиликс ги испровоцира.

Покрај Камбербач и Брул, во филмот играат и Лора Лини и Ден Стивенс.

Џулијан Асанж и понатаму се наоѓа во Амбасадата на Еквадор во Лондон, каде се бори против екстрадицијата во Шведска.