Зачленете се во нашиот клуб на читатели и најновите текстови ќе ги добивате на вашата мејл адреса
Популарното хрватско дуо 2Cellos кое доживеа светска слава со нивната преработка на „Smooth Criminal“, го сними најновиот видео запис за легендарната „Highway to Hell“ од АC/DC во соработка со виртуозот на гитара Стив Вај.
Ова е првиот сингл кој го најавува нивниот втор албум насловен „IN2ITION“ кој ќе биде објавен во јануари следната година.
Дуото го придружува Елтон Џон на неговите турнеи, а истовремено е посветено на подготовките за новиот албум. Хаусер и Шулиќ изјавија дека иако најчесто обработуваат рок теми, сè уште свират и класична музика, а во иднина би сакале да направат концертна турнеја и со класична и со модерна музика. Покрај соработката со Стив Вај, на албумот ќе се најдат и соработки со Елтон Џон, Зукеро, Ланг Ланг, Скај Фереира и други музички артисти.
Зачленете се во нашиот клуб на читатели и најновите текстови ќе ги добивате на вашата мејл адреса
