×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Одлично издание на „Рома-труба фест“

    06.09.2018 11:46 | KumanovoNews

     Шест дувачки оркестри настапија во рамки на 13. манифестација „Рома труба фест“ на Градскиот плоштад во Куманово.

    Одлично издание на „Рома-труба фест“

    Посетителите имаа можност да уживаат во џез, народна и блех музика, во извонредните настапи на оркестрите на „Џамбо Агушев“ „Кеми Асанов“, „Кристијан Трајковиќ“, „Исидор Зечировиќ“, „Владимир Ивановиќ“, „Елвис – Дејвид Бајрамовиќ“ и „Мартин Салијевиќ“. Ѕвезди на вечерта беа Тони Димитриоски од Австралија и пејачите Стојне Николова и Ристе Ристески.

    - Благодарност до сите учесници на овогодинешниот фестивал. Задоволен сум од самата организација и самите учесници. За жал морам да кажам дека сите толку добри учесници ги користиме само за еден ден. Очекувам и се надевам дека наредната година овој фестивал ќе се случува два до три дена, затоа што и самата публика тоа го бара - изјави Самет Салиевски, претседател ансамблот „Рушит Шакир“.

    Уметнички директор на фестивалот Ферус Мустафов, смета дека се потребни повеќе вакви манифестации и во другите градови во државата.

    Публиката беше презадоволна од организацијата и изборот на гостите.

    - Одлична понуда. Настапија реномирани оркестри и музичари од регионот со светска кариера. Честитки за организаторот и навистина е потребно фестивалот да трае неколку дена по примерот на Гуча во Србија, - вели една посетителка.

    Фестивалот традиционално го организира Ансамблот на народни ромски игри и песни „Рушит Шакир“, а е под покровителство на Градоначалникот и Советот на Општина Куманово и Министерството за култура на Република Македонија.

    Учесниците на фестивалот претходно продефилираа низ улиците во централното градско подрачје.