Зачленете се во нашиот клуб на читатели и најновите текстови ќе ги добивате на вашата мејл адреса
Американската ТВ водителка Опра Винфри е најплатена позната личност на Форбсовата листа, и тоа четврта година по ред и покрај слабиот успех на нејзината телевизиска станица.
Винфри можеби не е успешна со својата станица „ОВН“, но нејзиниот удел во емисиите „Др. Фил“, „Рејчел Реј“ и „Др. Оз шоу“ како и во други медиумски производи ѝ донесе во периодот од мај 2011. до мај 2012. заработка од 165 милиони долари, пренесува „Форбс“.
На второ место е режисерот Мајкл Беј кој благодарение на новиот дел од „Трансформерси“ во истиот период заработи 160 милиони долари. На трето е Стивен Спилберг со заработка од 130 милиони долари, потоа следат Џери Брукхајмер со 115 милиони долари заработени благодарение на сериите и филмовите како „Пирати од Карибите 5“. На петто место е музичкиот продуцент Др. Дре со заработка од 110 милиони долари.
Меѓу првите десет се најдоа и актерот Тајлер Пери, радио и ТВ водителот Хауард Стерн, писателот Џејмс Патерсон, продуцентот Џорџ Лукас и тв лицето Сајмон Кауел
Зачленете се во нашиот клуб на читатели и најновите текстови ќе ги добивате на вашата мејл адреса
