Зачленете се во нашиот клуб на читатели и најновите текстови ќе ги добивате на вашата мејл адреса
Според магазинот "Forbes", пејачката Бијонсе и нејзиниот сопруг Џеј Зи се најплатениот пар на светот. Во периодот од минатиот мај до мај 2012-та, брачниот пар заработил 78 милиони долари и со тоа ги остави зад себе бразилската манекенка Жизел Бундшен и нејзиниот сопруг Том Брејди.
Според "Forbes", пејачката остварила поголема заработка од својот сопруг. Од продажбата на последниот албум "4", успешниот пласман на нејзиниот каталог, како и од спонзорските договори, Бијонсе заработила неверојатни 40 милиони долари.
По турнејата со Кање Вест и одличното работење на неговата музичка компанија, Џеј Зи значително допринесол за заедничкиот буџет.
Имено, големите работни успеси популарниот пар ги оствари и покрај недостатокот на слободно време и раѓањето на ќерката Блу Ајви Картер, на која и се максимално посветени.
На второ место на споменатата листа се минатогодишните победници, Жизел Бундшен и Том Брејди со заработка од 72 милиони долари.
Нејзиното долгогодишно бавење со манекенството и неговиот четири годишен договор со кошаркарскиот тим "New England Patriots" им обезбедија висок пласман на листата и оваа година.
Трето пласирани за оваа година се Викторија и Дејвид Бекам кои заработиле 54 милиони долари, додека на четврто место се Анџелина Џоли и Бред Пит чија годишна заработка изнесува 45 милиони.
На петтото место, со приход од 40 милиони долари се наоѓаат Вил Смит и неговата сопруга Џејда Пинкет Смит.
Зачленете се во нашиот клуб на читатели и најновите текстови ќе ги добивате на вашата мејл адреса
