Зачленете се во нашиот клуб на читатели и најновите текстови ќе ги добивате на вашата мејл адреса
Иако веќе еднаш претходно го има позајмено гласот во анимираниот филм The Prince Of Egypt, веќе е потврдено дека оскаровката Сандра Булок ќе биде дел од уште еден анимиран филм.
Deadline пренесува дека Булок ќе ја толкува улогата на главниот негативец во Minions, спин-оф на успешниот анимиран филм Despicable Me, во кој главни ликови на приказната ќе се малите, жолти миниони, кои се воедно и најслатките ликови од првиот дел.
Во Minions, Булок ја има улогата на Скарлет Оверкил, злобната жена која е изберена од страна на минионите да биде нивен лидер. Ова е ќе биде всушност приквел на Despicable Me и дејството ќе се одвива во 60-тите, со интересна приказна во која се раскажува дека минионите постојат уште од почетокот на човештвото и биле слуги на најпознатите негативци низ историјата. Во потрага по нов господар, ја сретнуваат госпоѓица Оверкил, која иако се облекува како Одри Хепберн, сака да стане првата жена супер-негативец која ќе владее со светот.
Minions ќе ги нападне кината на 19-ти декември, следната година, додека продолжението на Despicable Me ќе се појави во кино салите на 3-ти јули, оваа година.
Зачленете се во нашиот клуб на читатели и најновите текстови ќе ги добивате на вашата мејл адреса
