Скандалите на Траволта му донесоа развод

Реномето на Џон Траволта на примерен семеен човек, татко и маж е разнишано со информации и фотографии објавени во медиумите, кои се чини дека укажуваат токму на спротивното. Како резултат на тоа неговата сопруга Кели Престон одлучила да стави крај на заедничкиот живот.

Списанието „Нешнал инквајерер“ објавило фотографии од 58-годишниот актер облечен во бел фустан, со накит и женска перика и со напомена дека сето ова не е филмски костум. Станува збор за фотографии снимени во 1997 година на приватна забава на која присуствувал и Џон, кој тогаш веќе 6 години бил во брак со привлечната колешка Кели Престон.

„Со години Кели беше маска за тајниот живот на Џон. Смртта на синот Џет беше тешка трагедија и двојката не можеше да се соочи со загубата и проблемите. Сега таа е толку засрамена, што не сака да го преживува овој скандал. Покрај тоа и нивната ќерка Ела и нивниот син Бенџамин ќе мораат да се соочат со потресните сознанија за нивниот татко”, раскажал неименуван извор за „Дејли меил“.

Објавувањето на овие фотографии ја преполнило чашата полна со семејни трагедии, тајни, срам и сѐ почесто споменување на сексуалната ориентација на Џон, така што Кели му соопштила на својот сопруг дека сака развод.