Снимен спот на Тоше за песната „Све је премало за крај“

Спотот премиерно ќе биде претставен на денот на раѓањето на македонската музичка легенда. Видеото го изработи „Аворд филм и видео“.Во делови ќе бидат вметнати досега необјавени снимки со Тоше. Автор на нумерата е Јелена Трифуновиќ, а аранжманот го направи Никша Братош.

Со цел „Све је премало за крај“ да заживее и на ТВ-екраните решивме да ја визуализираме и со спот. Подолго време со тимот размислувавме каков пристап да имаме при неговата изработка. Имаше повеќе идеи, но се решивме за најдобрата варијанта која верувам дека ќе ~ се допадне и на публиката - вели Славен Ристевски од фондацијата „Тоше Проески“.

Спотот ќе биде претставен во рамките на специјалната програма, која се подготвува за одбележувањето на денот на раѓањето на легендарниот пејач, а ќе се одржи на 25 јануари во Спомен-куќата на Тоше Проески со почеток во 11 часот.