Зачленете се во нашиот клуб на читатели и најновите текстови ќе ги добивате на вашата мејл адреса
Песната „Империја“ е избрана како годинашен адут со кој Есма Реџепова и Влатко Лозановски ќе ја претставуваат нашата земја на Евросонгот во Малме, потврдија од Македонската радиотелевизија.
Нумерата е на Симеон Атанасов, кој ги направи музиката и аранжманот, и Борче Нечовски, кој се погрижи за текстот.
Среќна сум што ќе ја претставувам Македонија со оваа песна, во која се пронајдов целосно. Таа е убава, динамична и брзо влегува в уво. Има и многу добар текст, особено ме одушевува насловот „Империја“. Со Влатко одлично се сложуваме како вокали и тоа дава посебен квалитет на песната и на нашата изведба-изјави Есма.
Атанасов е син на Реџепова и творец на голем број нејзини хитови.
Евровизискиот тим предводен од шефот на делегацијата, Љупчо Мирковски, на годинашниот национален евровизиски проект работеше интензивно околу два месеца. Според најавите на организаторот, деновиве ќе се реализира спот за евровизиската тема која премиерно ќе биде претставена на 27 февруари во едно од студијата на Македонската телевизија.
Нашите претставници ќе пеат во второто евровизиско полуфинале, кое ќе се одржи на 14 мај во Малме, Шведска.
Зачленете се во нашиот клуб на читатели и најновите текстови ќе ги добивате на вашата мејл адреса
