Зачленете се во нашиот клуб на читатели и најновите текстови ќе ги добивате на вашата мејл адреса
Најславните херои Супермен и Бетмен ќе се појават заедно за првпат во ист филм, а оваа вест наиде на огромно изненадување и восхит кај сите фанови на популарните ликови.
Изненадувањето го најави Зак Снајдер, кој ја потпишува режијата за најновиот филм за Супермен по насловот "Man Of Steel".
Говорејќи на стрип конференција во Сан Диего, во Калифорнија, Снајдер изјави дека се уште се работи на сценариото за филмот во кој што заедно ќе се појават Бетмен и Супермен.
Се очекува снимањето на најновиот филмски хит да започне следната година, а филмот во киносалите би требало да се најде во текот на летото во 2015 година.
Од продуцентската куќа "Warner Bros" потврдуваат дека двата суперхерои за првпат ќе ги здружат силите.
Британскиот актер Хенри Кавил, кој што го толкуваше ликот на Супермен во филмот "Man Of Stee", повторно ќе ја репризира својата улога, додека продуцентите моментално се во потрага за актер кој ќе го толкува ликот на Бетмен, пренесува "BBC".
Зачленете се во нашиот клуб на читатели и најновите текстови ќе ги добивате на вашата мејл адреса
