Зачленете се во нашиот клуб на читатели и најновите текстови ќе ги добивате на вашата мејл адреса
Некогашниот телохранител на починатиот крал на попот Мајкл Џексон, Мет Фидс покрена правна постапка за утврдување на татковство над десетгодишниот Бленкет, најмладиот син на Мајкл Џексон на кого полното име му е Принц Мајкл Џексон Втори.
Фидс тврди дека во 2001, година дена пред раѓањето на Бленкет, Мајкл од него барал да донира сперма.
Ќе дадам свој ДНК примерок и ќе барам од семејството Џексон да дадат од Бленкет. Сакам право да го посетувам. Мајкл беше нивни татко, и јас тоа не сакам да го сменам, но го сакам своето дете назад во својот живот. Единствен начин тоа да се оствари е по правен пат. Мислам дека Бленкет е мој, но сакам доказ - рекол Фидс, пренесува порталот „Фимејл Фрст“.
Некогашниот телохранител рекол и дека Мајкл лично потврдил дека Бленкет е син на Фидс во ноември 2002. година.
Седев со него и го прашав дали Бленкет е мој син. „Тој е мое дете Мет, но ја искористив твојата сперма“ - рекол Фидс и додал дека мајката на Мајкл, Кетрин (81), ги игнорира неговите повици бидејќи мисли дека го интересираат само пари.
Зачленете се во нашиот клуб на читатели и најновите текстови ќе ги добивате на вашата мејл адреса
