„Ту плеј„ на „Џои Фест„ во Крива Паланка

Тие први го пробија ледот на големиот рок спектакл, што се одржа на главната градска улица „Свети Јоаким Осоговски„, во чест на големиот и општински празник, посветен на патронот и заштитникот на Крива Паланка. Кривопаланчани беа одушевени од Кумановците и ги поздравија со огромен аплауз, а на рок забавата подоцна со групата „Стоп„ неколку хитови испеа и нивниот татко Миле Стојанов, кој  долги години е присутен на кривопаланечката музичка сцена. Семејството Стојанови се заблагодари за поканата за учеството на „Џои Фест„,  на кој имаше можност да биде дел од локааните и популарни македонски бендови, кои го одбележаа премиерното издание на овој музички настан.

     На фестивалот настапија и локалните бендови Витези и Акорди, Апачи и Стоп, кои ја имаат донесено и афирмирано рок културата и првата електрична гитара во Крива Паланка. Специјално за „Џои Фест„  по 40 години се собраа од земјава и странство „Витези и Акорди„, кои се втемелувачи на  рок музиката во градот во 60-тите години од минатиот век,  а по 20 години на кривопаланечката сцена настапија и членовите на групата „Стоп„, со која растеше помладата кривопаланечка генерација. Огромно воодушевување, пак, предизвикаа настапите на популарните локални бендови „Вертиго„, „Партали„, „Рефлекшн„, како и младите кумановци „ Ту плеј„.

    Вистинска еуфорија меѓу младите настана кога на сцената излезе првиот македонски идол Иван Раденов, кој направи одлична атмосфера со својот бенд Аквариус, како и Некстајм, кои се фотографира со бројните обожаватели. и кажаа дека ова за нив е извоноредна вечер во прекрасна празнична атмосфера.

    Рок спектаклот доживеа кулминација со настапот на извонредниот Бени и Нон стоп, кој беше пречекан со овации, а публиката заедно со него пееше, играше и одлично  се забавуваше. Бени ги пофали кривопаланчани дека се прекрасна публика и покажа навистина што знае и умее да направи за да ја запали публиката од сите генерации, со неговата неповторлива рок изведба. Во текот на концертот, после 5 испиени пива, како што се пошегува самиот, запеа и популарниот актер Гораст Цветковски, кој беше водител на  „Џои Фест„.

    Публиката и учесниците беа  презадоволни, како и организаторите кои ги собраа сите честитки за извонредниот рок фестивал, а тие најавија уште поголем спектакл за идната година.

http://www.facebook.com/joyfestmk