Зачленете се во нашиот клуб на читатели и најновите текстови ќе ги добивате на вашата мејл адреса
Анастасија Петрик (Anastasiya Petryk) од Украина освои 138 поени со нејзината песна „Небо“, а минатогодишниот победник Грузија се пласира на второто место со претставниците The Funkids, а на трето место се најдоа претставниците од Ерменија – Compass Band, кои освоија 98 поени.
Во шоуто гостуваа и Ралф Макенбак, победникот од 2009 година, како и Рејчел, која минатата година го освои второто место за овогодинешниот домаќин Холандија.
Победничката на детскиот Евросонг 2012, Анастасија е 10-годишно девојче и е бескрајно благодарна за оваа победа. Интересно е тоа што нејзината постара сестра Викторија го постигна рекордот за најдобра позиција на Украјна на овој избор, кога во 2008 година заврши на второто место, а сега младата Анастасија постигна нов рекорд со победничката композиција „Небо“.
Победникот беше избран во комбинација од телефонското гласање, жири комисиите од цела Европа и специјално детско жири. Целосната листа според гласовите е следната:
Украина – 138 поени
Грузија - 103 поени
Ерменија - 98 поени
Русија – 88 поени
Белгија – 72 поени
Шведска – 70 поени
Холандија – 69 поени
Израел – 68 поени
Белорусија – 56 поени
Молдавија – 52 поени
Азербејџан – 49 поени
Албанија – 35 поени
Во продолжение погледнете ја Анастасија со победничката композиција „Небо“.
Зачленете се во нашиот клуб на читатели и најновите текстови ќе ги добивате на вашата мејл адреса
