×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Витамини кои помагаат при респираторни инфекции

    13.10.2019 08:29 | KumanovoNews

    Респираторните инфекции се една од најчестите причини заради која пациентите, особено во есенско-зимскиот период се јавуваат кај својот матичен лекар.

    Витамини кои помагаат при респираторни инфекции

    Најчесто како дополнителни симптоми се јавуваат и болки во мускулите, покачена телесна температура, мачнина и губење на апетитот, а доколку не се третираат на време можни се и компликации. Причини заради кои, докторите препорачуваат да се внимава на исхраната, која може да биде заштитник од респираторните инфекции.

    *Витамини кои помагаат при превенција од респираторни инфекции:

    Витамин Ц

    Добар извор на витаминот Ц се лимонот, портокалот, грејпфрутот, брокулите, киселата зелка, кивито и листот од магданосот. Овој витамин му помога на организмот да го апсорбира железото од намирниците кои се конзумираат. А според некои медицински анализи го намалува и времетраењето на настинката.

     Витамин Д

    Овој витамин најмногу го има во жолчката, помасните риби и црниот дроб. Бидејќи многу малку го внесуваме со исхраната, се препорачува да се купат витамин Д таблетки и редовно да се конзумираат.

     Витамин Е

    Овој витамин најмногу помага во борбата против инфекциите на горните дишни патишта. Најмногу го има во: риби, житни растенија, јаткасти плодови, семки од тиква, репка и зелје.

     Витамин А

    Витамин кој е вклучен во процесите во текот на кои белите крвни зрнца се борат против инфекции. Најмногу е застапен во: јајцата, месото млекото и млечните производи, кајсијата, компирот, спанаќот и доматот.

    Исто така, при респираторни инфекции се препорачува и проветрување на просториите, умерена секојдневна физичка активност, разновидна и урамнотежена исхрана, а за евентуална употреба на суплименти консултирајте се со лекарот.