Зачленете се во нашиот клуб на читатели и најновите текстови ќе ги добивате на вашата мејл адреса
Под слоганот Модуларност, новото издание на реномираниот белградски Guitar Art Festival ќе се одржи годинава од 12-ти до 17-ти март.
Составен дел на програмата ќе биде вечерта посветена на култните Битлси, насловена The Beatles On. Имено, на 12-ти март ќе бидат одбележани 50 години од издавањето на првиот албум на Битлси. Ќе се прославува со изложба, филмски проекции, трибина и голем концерт, со кој всушност започнува годинешниот Guitar Art Festival.
Цел настан ќе се состои од три дела, а најголемите хитови на Битлси во различни аранжмани ќе ги изведуваат: Влатко Стефановски, Александра Ковач & Београдски глас, Дадо Топиќ, Нено Белан, Бисера Велетанлиќ, Васил Хаџиманов, Кики Лесендриќ.
Посебна обработка на песни од Битлси подготвува Корнелије Ковач со бендот, како и грчки гитарист Костас Коциолис.
Но, тука не завршуваат ангажманите на Стефановски за овој период. Имено, тој на 29-ти април 2013-та ќе настапи во Загреб, како дел од проектот Kings of Strings. Триото, во кое освен Стефановски се и Tommy Emmanuel и Stochelo Rosenberg веќе настапи во хрватската престолнина лани, на 20-ти март.
Зачленете се во нашиот клуб на читатели и најновите текстови ќе ги добивате на вашата мејл адреса
