Зачленете се во нашиот клуб на читатели и најновите текстови ќе ги добивате на вашата мејл адреса
Четириесет и петгодишната пејачка Тони Брекстон изјави дека нејзиниот шести студиски албум „Pulse“, објавен пред три години, е воедно и нејзин последен албум.
Веќе нема да снимам албуми. Толку од мене. Едноставно повеќе не чувствувам љубов кон музиката како порано, а не сакам да работам нешто ако не можам во него да ги внесам моите емоции-Брекстон.
Пејачката пред две години објави дека боледува од автоимуната болест лупус, поради која во изминатата година два пати беше хоспитализирана.
Се чувствувам добро физички, но емотивно веќе не сум во музиката. Можеби тоа е криза на средните години, наречете го како сакате. Можеби ќе направам некоја проштална турнеја, но можеби и нема-додаде пејачката.
Во својата кариера Брекстон сними шест студиски албуми и освои осум „Греми“. Нејзин најголем хит е „Unbreak my heart“ од 1996 година.
Зачленете се во нашиот клуб на читатели и најновите текстови ќе ги добивате на вашата мејл адреса
