Започува модниот викенд во Скопје

Со почеток во 19.30 часот церемонијата ќе ја отвори дизајнерот Ефтимов со својата најнова колекција Os filhos de Venus која е инспирирана од Бразил со интензивните бои и радоста на животот и шкотската традиција со помош на карираните материјали.

По официјалното отворање љубителите на модата ќе можат да уживаат во ревијата на дизајнерот Бобан Илиевски "Шик Андеркавер" и колекцијата на "Diesel" со софистициран и класичен изглед на рокерската нишка на брендот.

Утре предавање ќе одржи светскиот познат дизајнер и директор на Fashnion Scout London и Graduate Fashion Week, Мартин Робертс во соработка со Британскиот совет во Македонија со цел подршка на креативните индустрии во Македонија.

Модниот викенд во Скопје ќе трае од 22-30 октомври.

Вкупно 14 учесници ќе ги претстават своите колекции а во Музејот на град Скопје, манифестацијата ќе ја затвори модниот перформанс на дизајнерката Росица Мршиќ.

Победниците ќе бидат објавени на 31 Октомври во "МКЦ Клуб 8 ресторан" каде и ќе се одржи дебата на тема "Пласманот на модата во медиумите" во која ќе бидат вклучени блогери, менаџери и новинари.