Духовна и џез музика пред велигденските празници во Куманово

Првиот концерт ќе се одржи утре (петок) во 19 часот во црквата „Свети Никола“ во Куманово, ќе настапи византискиот хор „Св.Нектариј Битолски“.

Вториот концерт посветен на џез музиката е закажан за наредната недела, во среда, во 20 часот во Занаетчискиот дом Куманово. Ќе настапи Филип Стевановски бенд.

 „Програмата на хорот „Св.Нектариј Битолски“ е специјално посветена во чест на најголемиот христијански празник Велигден и ќе трае шеесетина минути. Вториот концерт на бендот Филип Стевановски, ќе биде со нивна обработка на џез нумери. Ве повикуван да дојдете и да уживате во музиката“, - изјави Нино Величковски, директор на Фондацијата за култура и спорт.

 Концертите се дел од Годишната програма на секторот за култура во Општина Куманово.