Зачленете се во нашиот клуб на читатели и најновите текстови ќе ги добивате на вашата мејл адреса
Градинката „Ангел Шајче“, во петок во 12 часот со голема приредба во спортската сала Куманово, ќе го прослави 60 години постоење и успешна работа.
Под мотото „Низ времето патуваме и роденден прославуваме“ на приредбата ќе учествуваат дечиња од шестте објекти на градинката.
„Ќе ни претставува голема чест и огромно задоволство доколку родителите и граѓаните масовно дојдат на приредбата и со своето присуство ја збогатат нашата прослава, по повод шест децении постоење, работа и создавање дела за нашата градинка. Генерации деца се дружат, забавуваат истовремено учат низ игра и растат. Во нашата јубилејна програма ќе настапат над 450 деца, кои ќе ја испратат пораката дека детството, грижата, љубовта и играта се нераскинливо поврзани“, -изјави директорката Марина Алексовска.
Таа додава дека љубовтта и грижата кон децата е нивна основна обврска, а децата преку играта и музиката осознаваат и се радуваат, во заедничките игри се социјализираат и затоа во таа насока ќе биде и приредбата.
На приредбата се очекуваат гости од општината и министерствата.
Зачленете се во нашиот клуб на читатели и најновите текстови ќе ги добивате на вашата мејл адреса
