Во Куманово 8 сантиметри снег, -5 минимална температура

Според информациите од Управата за хидрометеоролошки работи најмногу снег напаѓало во Маврови Анови 73 сантиметри, а најладно било во Тетото - 7 степени.

Моменталната состојба е облачно со локални врнежи од снег, главно со слаб интензитет.

Врнежите од снег околу пладне ќе засилуваат. Повеќе врнежи ќе има во западните и северните делови од земјава, каде снежната покривка дополнително ќе се зголеми за 10 до 20 см, а на планините и за над 20 см. На крајниот југоисток врнежите ќе бидат мешани од дожд и снег. Ќе дува слаб до умерен ветер од северен правец. Максималната температура ќе достигне од -2 до 3 степени.   

Во Скопје облачно со повремени врнежи од снег, кои околу пладне ќе бидат со засилен интензитет. Максималната температура ќе достигне околу -1 степен.

Од петок до недела времето ќе биде стабилно и суво со ниски утрински температури и со услови за магла по котлините.