ЕНЕРГИЈАТА НА НИВНАТА ПАРТИЈА

Така, повторно, еден од главните јунгер-јуришници на ДПМНЕ во градот, во своја колумна, и во препознатлив стил за сите нив (кога читаш еден како да си ги прочитал сите), повторно ни дава памет како Куманово плачело за заедништво на сите партии и чинители во градот, за во следната реченица да констатира дека се собирала не знам каква енергија во 2013 година, на Денот Д истата да експлодирала и демек да го срушеле злото у Куманово, малтене човекот тргнува во битка до последна капка крв... Бог да чува од вакво заедништво !!! И...тргнува сега повторно со пензионерите, со дивоградбите, со патиштата и си реди човекот се што си пишува во НАЈновиот завет на Библијата - оној по Св. Грујо кај што тече само мед и млеко, арно ама тоа комуњарите не биде писмени да го прочитаат. Пази молим те, дечково се фали и со Пресудата на Меѓународниот суд за правда во Хаг, иста онаа пресуда која се заснова на одредбите од времената спогодба со Грција, која ја потпиша оној нели „предавникот„ Црвенковски - како што јунгерот-јуришник ќе ги нарече анти-македонските внатрешни политички фактори, арно ама сега била супер спогодба зашто сме добиле позитивна пресуда - бре, бре, бре, пази молим те, што бистро момче !

Па јунгерите вовеле и нов политички тренд во функционирањето во државата што сега ќе ни го наметнеле и на нас во Куманово! Еееее, тука те чекав, мајсторе !!! Случајно . . . или можеби не, до мене стигна скратената листа од последните 9 можни кандидати за нов Претседател на Општинскиот комитет на ДПМНЕ, а тоа нели, се луѓето кои треба да ни воведуваат нови трендови, да не учат како се работи, да ни покажуваат таблица на множење и делење . . . И, има што да видиш - се реформатор до реформатор, се нов кадар до нов кадар, кои сега пак у финалната рунда, ќе иделе на бокс-меч кај Св. Грујо да ги попрска со крстена вода и од нив да го избере најголемиот реформатор! Арно ама, нешто је труло у држави Данској! Нема ниту еден човек кој извршувал сериозна општествена функција, нема ниту еден човек за се замислиш па и барем во себе да кажеш - морее, овој е арен! ЈОК, наместо тоа имате на симпатичната кадровска листа месари, имате и бивши малотрговци со кафе и лимонада и деца на бивши притвореници! Чудо едно од квалификуван кадар да спроведе реформи, да ни отвори очи, да не врати на прав пат.

Затоа, драги мои ВМРО-вчиња, ВЕ МОЛАМ, убаво ве молам, со шлаг и јагода одозгора на молбата - НЕМОЈТЕ више вакви луѓе да ме реформираат, најдете си кадар ако сакате сериозно да разговарате . . . У ствари, како почнавте сите институции у Куманово да ги полните со скопјани, кратовчани, кривопаланчани, вие изгледа и немате саглам кадар . . . чисто за муабет, за ништо повеќе !!!