Шахпаска: Пописот ќе даде реална слика за потребата од нови градинки, пензионерски домови и центри за лицата со попреченост

„Важен е бројот на пензионерите, на лицата со попреченост, на децата, за да знаеме точно каде има и колкава е потребата од пензионерски домови, дневни центри, детски градинки и воопшто потребата од социјални услуги и стручен кадар“, посочи Шахпаска.

Таа додаде дека за да се испорачаат квалитетни политики и планови потребни се реални и објективни податоци кои ќе се добијат од статистичка операција како што е пописот.

Министерката информирапе и дека целосно е завршен пописот на бездомните лица, кои се сместени во објектите на Министерството за труд и социјална политика.

„Би сакала да им порачам на сите граѓани дека пописот е безбедна, елементарна, статистичка операција и неразбирливо е да се наметнува тезата дека тоа е политичко прашање за кое што власта и опозицијата треба да ги вкрстуваат копјата“, - истакна министерката Шахпаска.

Таа посочи дека попишувачите, покрај обуките за попишување, имаат и специјални обуки за тоа како треба да се заштитат себе си и лицата кои ги попишуваат.