Зачленете се во нашиот клуб на читатели и најновите текстови ќе ги добивате на вашата мејл адреса
Министерката за образование и наука Мила Царовска, претседателот на државата Стево Пендаровски и претставници од Сити колеџот од Солун, којшто е европски кампус на британскиот Универзитет Јорк, денеска потпишаа протокол за доделување на стипендиите „Борис Трајковски“.
Со потпишувањето на овој протокол ја продолжуваме соработката со Сити колеџот во Солун, а со стипендиите „Борис Трајковски“, од годинава наменети за студирање на престижниот британски Универзитет Јорк, овозможуваме наши граѓани да се стекнат со диплома од еден од најдобрите универзитети во светот, истакна Царовска.
Програмата се изучува на англиски јазик и нуди уникатни придобивки за учесниците, што ја прави една од најдобрите извршни МБА програми во регионот.
Огласот за избор на стипендисти ќе биде објавен идната недела, а во текот на септември ќе бидат објавени добитниците на стипендиите.
Универзитетот Јорк е рангиран на 16-то место во Велика Британија (Гардијан 2021), тој е 10-ти во Велика Британија за влијанието на истражувањето и е на 133-то место во светот во рангирањето на светските универзитети за 2021 според Тајмс. Дополнително, има освоено награда за Златен стандард во подучувањето „Gold Teaching Excellence Framework award (TEF)“.
Зачленете се во нашиот клуб на читатели и најновите текстови ќе ги добивате на вашата мејл адреса
