„Мајк Тајсон“ ја клевети штипската болница дека ликвидира ковид пациенти!

Фото: Fusion Medical Animation on Unsplash

Мојот комшија почина здрав прав. Oд Струмица за Штип, таму на респиратор и го умреа. Дијагноза ковид, татко на 3 девојчиња. Во четири сабајле жена му не дигна сите.Закопан е во 10 денес. Во штипската болница имам заклучок таму се носат за убивање. Скопје е друга локација, Битола. Се договараат докторите на смена кого да ликвидираат. Вршат проценка на интелигенцијата на пациентот и пробуваат. Исплата огромна за убиен и дијагноза ковид. Затоа нудат на фамилијата пари, вели Мајк Тајсон во својот пост.

Сериозен човек ова не би го напишал. Ние имаме третирано повеќе од 2 илјади пациенти од кои што над 1.800 се вратени дома живи и здрави. Како може да плаќаме за дијагноза ковид, кгоа ние не ја ни утврдуваме дијагнозата, туку тестовите ги прави Институтот за јавно здравје – Скопје. Таму се потврдуваат тестовите. Ние имаме доказ за сите пациенти, компјутерски снимки од нивните бели дробови. Ние се бориме да ги спасиме нивните животи и во скафандер сме и на плус 40 степени и на минус 10 степени. Сметам дека тие пациенти, кои што беа во штипската болница и лежеа тука, се директни сведоци кој се борел за нив, кој не спиел ноќи за нив, додека тие се бореа за здив и си заминаа дома излекувани, ни рече доктор Георгиев.

Ние имаме во целата пандемија само еден или двајца пациенти кои биле на респиратор. Конкретниот пациент, за кој се тврди дека сме го убиле, имал хронична опструктивна белодробна болест, донесен е, не од Струмица, туку од Валандово, со сатурација 55 и наод на двете белодробни крила, масивна пневмонија. Тој беше на кислородна поддршка, односно сипап маска, примен е во тешка состојба и во тешка клиничка слика, ни рекоа од штипската болница.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар