×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Злоупотреба на Нирнбершкиот процес во антиваксерска кампања

    23.08.2021 10:19 | KumanovoNews | Преземено од: vistinomer.mk

    Постот ги извртува и фалсификува историските факти. Со Нирнбершкиот процес не се одлучило дека „давањето на лекови против волјата на субјектот ќе се третира како злосторство против човештвото“. Не постои паралела помеѓу Нирнбершкиот процес и пандемијата од коронавирусот, ниту со вакцинацијата против ковид-19. Оваа фабрикувана објава ја манипулира јавноста преку споредувањето на судењето на нацистите од Втората светска војна и сегашната борба против епидемијата на коронавирусот

    Злоупотреба на Нирнбершкиот процес во антиваксерска кампања

    Колаж од шест фотографии се кристи во објава на социјалната мрежа Фејсбук за злоупотреба на Нирнбершкиот процес во функција на антиваксерска камапња.

    На една од фотографиите додадена на објавата, прикажана e судница во Нирнберг каде што во 1945 година започнаа судењата на истакнати членови на политичкото, военото и економското водство на Третиот рајх. Меѓународниот воен суд го седна на обвинителната клупа највисокото раководство на нацистичка Германија, каде беа изречени пресуди за планирање, започнување и водење на агресорски војни, за воени злосторства, како и злосторства против човештвото, процес којшто денеска се нарекува Нирнбершки. На први октомври 1946 година беше соопштена пресудата: 12 од вкупно 22 обвинети беа осудени на смрт со бесење, за седуммина беше одредена казна затвор, а тројца беа ослободени при голем процес во кој беа прегледани 2.630 документи и беа сослушани 270 сведоци – сите снимени на 27.000 метри магнетофонски ленти и 7.000 винил плочи. На оваа фотографија, прикачена на објавата на Фејсбук одозгора на српски јазик, додаден е следниот текст:

    1945 Нирнбершки суд: Давање лекови против волјата на субјектот е злосторство против човештвото.

    Заедно со оваа фотографија објавени се уште неколку други на кои се прикажани вакцини, со цел да се направи паралела помеѓу Нирнбершкиот процес и пандемијата од коронавирусот, односно процесот на вакцинација против ковид-19 како единствено решение за справување со овој нов вирус.

    Но, правењето на ваква паралела е голема манипулација. Она што се препишува како фраза која произлегла од Нирнбершките судења е невистинито и со вакви објави се врши извртување и фалсификување на историските факти. Оваа содржина е произволно додадена на оригиналната фотографија од судењето. Со Нирнбершкиот процес не се одлучило дека „давањето на лекови против волјата на субјектот ќе се третира како злосторство против човештвото“.

     

    НИРНБЕРШКИ  ПРОЦЕС И НИРНБЕРШКИ КОДЕКС

    За време на судењата на нацистите настанале таканаречени Нирнбершки принципи, како збир од седум основни начела. Шестиот принцип ги дефинира злосторства казниви по меѓународното право. Тоа се: злосторство против мирот, воени злосторства, злосторства против човештвото,

    Во злосторства против човештвото спаѓаат убиствата, истребувањата, поробувањата, депортација и други нехумани дејствија извршени против секое цивилно население или прогон на политичка, расна или верска основа, кога таквите дејствија се извршуваат заедно со какви било злосторство против мирот или какво било воено злосторство. Тука, во овој принцип на ниту еден начин не се спомнуваат медицински третмани ниту какво било лечење.

    На друга фотографија од истата објава на која се прикажани вакцини пишува:

    Нирнбершки кодекс: Доброволното прифаќање на човечкиот субјект е апсолутно неопходен.

    Оваа реченица е дел од Нирнбершкиот кодекс, но не се однесува на одобрени вакцини како што алудира самата фотографија. Нирнбершкиот кодекс се однесува на третманот на човечки субјекти во медицински експерименти и нема никаква конекција со дефинирањето на злосторствата против човештвото.

    Нирнбершкиот кодекс е напишан во 1947 година за време на судењето во Нирнберг, Германија, на лекари кои спровеле медицински експерименти врз повеќе од 7.000 затвореници во концентрационите логори за време на Втората светска војна. Тие тестирале начини за подобрување на шансите за преживување на нацистичките војници на терен. Тестирани биле разни медицински процедури и лекови. Освен тоа, тие спроведувале и експерименти за да го поддржат нивното идеолошко гледиште за расната супериорност.

    Во Кодексот се говори за ова, а не за употреба на тестирани и одобрени вакцини како оние коишто се употребуваат против ковид-19 или за какви било други одобрени третмани за пациенти.

    Наспроти тоа што го говорат фактите, оваа фабрикувана објава ја манипулираа јавноста преку споредувањето на судењето на нацистите од Втората светска војна и сегашната борба против епидемијата на ковид-19. Едното со другото нема никаква врска и ваквите паралели и лажни вести само прават повеќе штета, бидејќи имаат за цел да ги убедат граѓаните да не се вакцинираат, иако вакцините се единственото познато оружје во справување со епидемијата.

     

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар