×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Има евидентирани починати лица од ковид кои примиле бустер доза, а имале коморбидитети

    11.02.2022 08:18 | KumanovoNews | Преземено од: vistinomer.mk

    Изјавата на министерот за здравство Беким Сали дека нема евидентирано починати лица со примена трета доза вакцина кои имале коморбидитети, е спротивна на изјавите на претседателот на Комисијата за заразни болести, Александар Петличковски и нејзиниот портпарол Злате Мехмедовиќ. Тие информираа дека во анализата на ИЈЗ – спроведена во периодот од 1 до 31 јануари, се евидентирани 6 починати лица кои примиле бустер доза, а кои имале претходни заболувања

    Има евидентирани починати лица од ковид кои примиле бустер доза, а имале коморбидитети Фото: Принтскрин видео

    Министерот за здравство, Беким Сали, на 7 февруари 2022 година, во изјава за медиумите по повод примопредавањето на 250.000 дози „Фајзер“ од Италија, рече дека досега не се евидентирани починати лица со примени три дози вакцина кои имале коморбидитети.

    Сè уште немаме евиденција на починати лица коишто примиле трета доза „Фајзер“, а имале и коморбидитети. Значи, нека биде уште еднаш апел до сите наши граѓани, ги молиме сите кои имаат коморбидитети што побрзо да се уптат кон вакциналните пунктови и да се заштитат, изјави министерот Сали.

    [Извор: Алсат телевизија;  Датум: 07.02.2021]

     

    ОБРАЗЛОЖЕНИЕ:

    Изјавата на министерот Сали, која ја пренесоа повеќе медиуми, е невистинита. Имено, претседателот на Комисијата за заразни болести Александар Петличковски, на 08 февруари 2022 година одржа прес-конференција на која презентираше анализа на смртните случаи со ковид-19 спроведена од 1 до 31 јануари 2022 година. Анализата покажала дека третата, бустер доза штити од смртни последици над 95 отсто. Како што посочи Петличковски, во овој период евидентирани се 6 починати лица кои примиле трета доза вакцина против ковид-19 и кои имале претходни заболувања, односно коморбидитети.

    Оваа анализа од 1 до 31 јануари имаше за цел да ги подели ризиците за смрт и хоспитализација не само за вакцинирани туку и по основа на тоа колку време поминало од последната вакцинација. Ако поминал период од шест месеци од вакцинацијата ефектот не е ист како кај оние кај кои се поминати три месеци. Таму јасно стои дека над 97 проценти е заштитата на вакцината по основ смрт и над 91 отсто од хоспитализација, доколку се работи за вакцина примена во последни 3 месеци или целосна вакцинација со три дози. Трите дози даваат гаранција за заштита од смрт над 95 отсто, секако постои можност од лош исход и со три дози, но шансите се мали. Кај нас анализата покажа шест такви случаи, но сите биле со претходни заболувања. Еден, на 48 години имал карцином, петмина имале дијабетес, еден инфаркт и тројца обезност. Кај некои има и комбинирани состојби, не само едно туку повеќе претходни заболувања“, објасни претседателот на Комисијата Петличковски.

    На  оваа  прес конференција на Комисијата за заразни болести, портпаролот на Комисијата д-р Злате Мехмедовиќ, исто така, кажа дека 6 лица кои примиле бустер доза починале во период од 1. до 31. јануари годинава.

    Втората препорака е поврзана со извештајот од ИЈЗ каде е направен анализа на сите случаи на хоспитализација и смрт од Ковид-19 во период од 1-ви до 31-ви јануари за 2022 година. Анализата покажува дека во анализираниот период само 6 лица кои примиле трета доза завршиле со смртен исход, сите смртни случаи кои биле констатирани имале дополонителни коморбидитети како што се дијабетес, карцином, кардиоваскуларни заболувања и обезност, изјави д-р Мехмедовиќ.

    Според ова, изјавата на министерот Сали дека нема евидентирано починати лица со примена трета доза вакцина кои имале коморбидитети, е спротивна на изјавите на Петличковски и Мехмедовиќ, поради што ја оценуваме како невистинита.

     

    ИЗВОРИ: 

     

    Оцени: Ана Анастасовска

     

     


    Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

    2008 - 2023 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk