Зачленете се во нашиот клуб на читатели и најновите текстови ќе ги добивате на вашата мејл адреса
Општина Крива Паланка вчера ги прогласи најдобрите ученици и најдобриот просветен работник за учебната 2020/2021 година, кои традиционално се доделуваат по повод Денот на сесловенските просветители „Свети Кирил и Методиј“.
Признанието за најуспешен наставник во општината и беше доделено на Снежана Златковска, наставник по математика од ООУ„Илинден“, која има 25-годишно работно иксуство, автор е и соработник на многу едукативни и образовни дигителни пратформи за иновативни часови и користи најсовремени алатки и методи во наставниот процес. Само за последните 3 години има освоено 45 награди на општински, републички и државни натпревари како ментор на своите ученици, едукатор е на националната платформа за далечинско учење и има многу сертификати зад себе.
Најдобри ученици и првенци на генерацијата,пак, се полуматурантките Теодора Митковска од ООУ„ Илинден“ и Сара Стефановска од ООУ „Јоаким Крчовски“, како и Глорија Стојковска, матурантка во СОУ „Ѓорче Петров“.
„Признанијата што ги добија најдобрите и најуспешните во образовните институции се најубав можен начин на чествување на Денот на сесловенските просветители. Оваа манифестација нека биде мотив за понатамошни успеси и поттик за уште поголеми резултати. Кога некој работи посветено и макотрпно резултатите, признијата и вреднувањето не изостануваат“, истакна градоначалникот на Крива Паланка, Борјанчо Мицевски.
(Ж.Ц)
Зачленете се во нашиот клуб на читатели и најновите текстови ќе ги добивате на вашата мејл адреса
