Во Липково ќе се гради резервоар за вода од 1.000 кубни метри, ќе чини 720.000 евра

Новиот резервоар ќе се гради во селото Липково, до Филтер станицата и претставува надополнување и комплетирање на инфраструктурата зарадии стабилизирање на дотурот на вода во домаќинставата.

„Приклучени сме на езерото Глажња, а со изградбата на резервоарот ќе се зголеми притисокот на вода во домаќинствата, но и во целокупната мрежа, па и најдалечните корисници ќе имаат стабилен дотур на вода. Жителите на повискоите населени места можеби ќе немаат силен притисок, но нема да случува да остануваат без вода, што е најважно“, вели истакнува Џезми Муслији, раководител на секторот за ревизија во Општина Липково.

Динамичниот план за изведување на работите е веќе доставен до општинските служби, а се очекува работите да започнат по потпишување на договор за услуги и надзор. 

Градежните работи ќе започнат на пролет, а ќе ги врши фирмата „Ју-Бај 2 Амет“ ДООЕЛ од селото Бојане, скопско.Изградбата треба да трае 5 месеци.

Досега се реконструирани резервоарите во селата Слупчане, Оризаре, Матејче, Никуштак, а во Виштица е изграден нов, со што е извршено проширување на дистрибутивната мрежа за водоснабдување во Општина Липково.