Бензините поскапуваат за 3,5 денари, дизелот поевтинува за два денари

ЕУРОСУПЕР БС-95 ќе се продава по 100,50 денари за литар, додека ЕУРОСУПЕР БС-98 ќе чини 102,50 денари за литар. 

Цената на ЕУРОДИЗЕЛ се намалува за два денари, од 101 на 99 денари за литар. 

Екстра лесното масло за домаќинство поскапува за 4,50 денари и ќе чини 109,50 денари за литар. 

Цената на мазутот се зголемува на 48,243 денари за килограм.

Во пресметката е вклучена и одлуката на Владата од 13 септември за примена на повластена даночна стапка, со која износот на данокот на додадена вредност за горивото Еуродизел е намален на 10 отсто.

Според Регулаторната комисија, малопродажните цени на нафтените деривати во просек се зголемуваат за 2,86 проценти во однос на претходната одлука од 7 септември. Како причина се наведува растот на  горивата на светските пазари.