×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Забранета за пиење водата во кривопаланечките села Луќе и Добровница

    21.04.2021 10:41 | KumanovoNews

     Водата во селата Луќе и Добровница, кривопаланечко, е забранета за пиење, бидејќи е утврдено дека не е безбедна. Од Агенцијата за храна и ветеринарство – Подрачна единица Крива Паланка, до општината се пристигнати извештаи од спроведено тестирање и анализа, кои покажуваат дека водата од локалните водоводи и јавните чешми, во однос на физичко-хемиската анализа, не одговара на законските прописи за здравствена безбедност.

    Забранета за пиење водата во кривопаланечките села Луќе и Добровница

    Според лабараториските наоди, водата за пиење и користење од локалниот водоводот во селото Добровница и јавната чешма кај амбулантата, не е безбедна за пиење, заради зголемено присуство на калиум перманганат. Во селото Луќе, пак, кај водата од локалниот водовод и јавната чешма пред училиштето пронајдено е зголемено присуство на колиформни бактерии.

    Потребно е да се изврши дезинфекција и кондиционирање на водата од надлежен орган за да може овие водни ресурси повторно да се користат.

    На месното население од овие рурални населени места им е забрането понатамошно користење на водата се до нормализирање на квалитетот.

    Претставниците на Месните заедници на Добровница и Луќе имаат обврска веднаш да го известат месното население за состојбата, како и да стапат во контакт со Јавното комунално претпријатие „Комуналец“, со цел на преземање мерки за отсранување на недостатоците.

    (Ж.Ц.)

    (Фото: архива)