Зачленете се во нашиот клуб на читатели и најновите текстови ќе ги добивате на вашата мејл адреса
Раководството на ЕВРОХОЛД Балканската кошаркарска лига БИБЛ донесе одлука во врска со судењето на Фајнл фор турнирот оваа година.
На натпреварите нема да има судии од земјите кои се учесници на Ф4. Тоа значи дека меѓу нив нема да има Бугари, Македонци и Израелци. Имињата на судиите кои ќе делат правда на полуфиналните мечеви и финалето ќе бидат објавени на 15-ти април.
На секој натпревар од завршниот турнир ќе има двајца комесари и еден инструктор каде што можат Бугарија, Македонија и Израел да имаат свои претставници. Нивните имиња ќе бидат објавени наредните денови. Ф4 ќе се одржи во периодот од 19-ти и 21-ви април во Самоков (Бугарија).
Да потсетиме, македонскиот претставник Куманово 2009 ќе игра против израелскиот состав на Галил Гилбоа, а во втората полуфинална пресметка ќе се сретнат помеѓу себе бугарските екипи, Левски и Рилски Спортист (домаќин).
Зачленете се во нашиот клуб на читатели и најновите текстови ќе ги добивате на вашата мејл адреса
