13. 10. 2020 13:36

Домашното „БИБЛ“ дерби закажано за 27 октомври

Домашното „БИБЛ“ дерби закажано за 27 октомври

Кошаркарите на Куманово добија нов термин за почеток на „БИБЛ“ лигата, откако во првото коло требаше да го пречекаат тимот на ТФТ од Скопје. Натпреварот е одложен за седум дена.

Причина за тоа е ковид-19, кој е присутен во редовите на ТФТ, па кумановчани ќе играат седум дена подоцна во терминот на второто коло.

Поради присуство на корона вирусот се одложи и домашното првенство кое требаше да започне изминатиот викенд, a нема конкретен датум за негов старт.

Здружението на кошаркарски тренери преку соопштение запраша зошто кошарката има различен третман во однос на другите спортови и се изолира цела екипа при појава на поединечен случај на вирусот, додека за сите останати спортови во течат сезоните и ги изолираат само позитивните случаи.

На тестирањата пред почетокот на сезоната меѓу играчкиот состав и стручниот штаб на КК Куманово немаше ниту еден позитивен случај.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk