Гус Хидинк нов селектор на Турција

Холанѓанецот Гус Хидинк потпиша двегодишен договор со фудбалскиот сојуз на Турција со можност за продолжување на уште 2 години. На клупата на Турција ќе го замени Фатих Терим кој поднесе оставка одкако не успеа да ја одведе екипата на Мундиалот во Јужна Африка.

Хидинк е актуелен селектор на Русија, а договорот му истекува на 30 јуни. Тој ја предводеше Русија до полуфинале на Европското првенство 2008 година, но таа екипа не успеа да обезбеди пласман на светското првенство во Јужна Африка. Хидинк до сега ги предводеше селекциите на Холандија, Јужна Кореја, Австралија како и на ПСВ Ајнховен, Реал Мадрид и Челзи.

2008 - 2023 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk