Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово се единствената екипа која не забележала победа по четвртото коло во кошаркарската Супер лига. Куманово овој пат доживеа пораз од Лирија со резултат 85:78.
Во резултатски неизвесниот меч, Лирија беше екипата која беше поумешна и успеја да издвојува победа. На почетокот од мечот Куманово ја имаше резултатската предност која достигна максимални 9 поени разлика. Лирија имаше одлична трета четвртина и создаде недостижна предност за Куманово и ја забележа првата победа оваа сезона во Супер лигата.
Диме Тасовски со 28 поени и 9 скокови беше најефикасен кај Лирија, а по 15 поени додадоа и Симиќ и Радуновиќ. Кај Куманово, Урош Луковиќ постигна 16 поени и додаде 17 скокови. Костоски го заврши мечот со 18 поени.
Својата прва победа Куманово ќе ја бара во среда против екипата на Работнички, во Спортската сала во Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
