Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарскиот клуб Куманово, денеска во 17.30 часот, во спортската сала „Перо Наков“, ќе го одиграат првиот пријателски натпревар против КК „Здравје“ Лесковац од Србија.
Ова е вторпат кумановските кошаркари да играат против истата српска екипа. По овој натпревар, КК Куманово го очекуваат околу 10 други контролни натпревари, кои ќе се одиграат во Србија и Романија, како тест пред натпреварите во Супер лигата.
„ Очекувањата се исти како и лани, да победиме и да успееме да се пласираме меѓу првите шест во Супер лигата. Претходната година имавме друг состав, но затоа оваа година од странците го имаме Давид Миладиновиќ, кој е веќе докажан во својата професија, Марјан Јаневски кој доаѓа од Работнички, како и нашите постојани играчи“,- вели Дамир Вујадиновиќ, член на управата на КК Куманово.
Минатата сезона, екипата ја напуштија кошаркарите: Мекиќ, Пенов и Ковач.
Боите на Куманово, во оваа сезона ќе ги бранат кошаркарите: Филип Стојановски, Миса Дамјан, Миодраг Тодоровиќ, Лука Петровски, Мартин Ѓорѓиевски, Оливер Двојаковски, Марјан Јаневски, Горјан Марковски и србинот Давид Миладиновиќ.
Зачленете се во нашиот клуб на читатели и најновите текстови ќе ги добивате на вашата мејл адреса
