Кошаркарите во поход по ново изненадување

Во доста тензични услови проследен со многу инциденти се одигра првиот натпревар помеѓу Куманово и МЗТ. Навивачките групи на двете екипи не успејаа да ги смират страстите, па истите се пренесоа и на теренот. Тогаш гостите од Скопје во последните минути од натпреварот го добија натпреварот со 77 - 85.

Куманово покрај двата пораза од Лирија и АБА Струмица, издвојува битна победа во Куманово против најтрофејниот македонски клуб, па тоа му дава за право да очекува и победа во Аеродром. Сепак и МЗТ Скопје направи слично изненадување пред две кола кога го совлада актуелниот шампион Фени Индустри, и му го нанесе првиот и единствениот пораз во досегашниот дел од сезоната. Сепак во последниот меч, МЗТ ја победи АБА Струмица со 3 поени разлика, и прилично нестабилна игра во текот на мечот.

Според најавите вечерва за МЗТ нема да настапат Кирил Николовски и Ѓорѓи Талевски, а во Куманово суште е неизвесен настапот на Ратко Петриќ.

Моментално Куманово се наоѓа на осмата позиција на табелата со 17 поени, додека МЗТ Скопје е втор со 22 поени.

Во останатите натпревари се среќаваат Работнички - Лирија, Торус - Овче Поле, Ултимејт Баскет - Фени Индустри и Пелистер - АБА Струмица.