Зачленете се во нашиот клуб на читатели и најновите текстови ќе ги добивате на вашата мејл адреса
Македонската кошаркарска репрезентација предводена од Марјан Србиновски асистентот на селекторот Алеш Пипан синоќа отпатува за Кина поточно градот Куншан каде викендов ќе учествува на меѓународен турнир.
Освен со домаќинот, Македонија ќе ги одмери силите со Б селекцијата на нашиот противник на претстојниот Евробаскет, Црна Гора и со составот на Исланд.
За разлика од Медитеранските игри младиот стратег на располагање ќе ги има стандардните членови на сениорскиот тим браќата Војдан и Дамјан Стојановски.
На стартот на турнирот закажан за в петок, црвено-жолтите ќе ги одмерат силите со Б-тимот на Црна Гора, следниот ден играме против Кина, а додека последен противник ќе ни биде селекцијата на Исланд.
По завршување на турнирот Србиновски заедно со селекторот Пипан треба да ги одредат останатите кошаркари кои ќе бидат дел од главните подготовки за Европското првенство во Словенија што ќе се одржи од 4 до 22 септември. За потсетување до сега само седумина кошаркари имаат сигурно место во националниот тим: Лестер Бо Мекејлеб, Владо Илиевски, Перо Антиќ, Ѓорѓи Чековски, Предраг Самарџиски, Војдан Стојановски и Дамјан Стојановски, а како што најавија од македонската кошаркарска федерација (МКФ) до последен момент нема да се откажат од Тодор Гечевски.
Список на репрезентативци: Александар Костоски, Војдан Стојановски, Дамјан Стојановски, Дарко Соколов, Горјан Марковски, Марко Симоновски, Владимир Брчков, Бојан Крстевски, Александар Штерјов, Синиша Аврамовски, Бојан Трајковски, Стојан Ѓуровски.
Распоред на натпревари:
Зачленете се во нашиот клуб на читатели и најновите текстови ќе ги добивате на вашата мејл адреса
