×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Кривопаланчани одиграа симултан шаховски натпревар со велемајсторот Кутиров

    21.07.2018 15:39 | KumanovoNews

    На иницијатива на Општина Крива Паланка и градоначалникот Борјанчо Мицевски, во исклучително интересен и топол амбиент, љубителите на шаховската игра, денес имаа задоволство и несекојдневна можност да разменат потези, мислења и искуства со еден од најдобрите македонски шахисти, велемајсторот Роналдо Кутиров.

    Кривопаланчани одиграа симултан шаховски натпревар со велемајсторот Кутиров

    Овој несекојдневен спортски настан произлезе од идејата да се возобнови запоставената шаховска традиција на кривопланчани и  најмладите да се заинтереситираат за вештините во шаховската игра. Имаме план, шаховската игра да ја популаризираме и унапредиме и од идната година да организираме 12  шаховски викенд турнири на годишно ниво низ целата држава. Еден од тие викенд турнири би се оддржувал и во Крива Паланка и на крајот сите најдобри финалисти од овие викен турнири би настапиле на финален викенд турнир во Скопје или некој друг град,- изјави градоначалникот Мицевски во своето поздравно обраќање пред пријавените играчи и гледачите на шаховската симултанка.

    Најмлад учесник на натпреварот беше Ѓорѓи Цветковски (11), а највозрасниот натпреварувач со 83 годишна возраст е Ефто Ангеловски.

    Градоначалникот Мицевски, на сите натпреварувачи им врачи шаховски табли и благодарници за учество во симултаниот натпревар, а на велемејасторот Кутуров му подари плакета со грбот на Општина Крива Паланка. При тоа изрази големо задоволство и благодарност до него и сите присутни, кои ја поддржаа идејата  за возобновување на шахот во Крива Паланка.

    - Ме радува што Општина  Крива Паланка е организатор на овој симултан натпревар, бидејќи шахот е основа на менталната снага и долгорочната концетрација, а тоа ни е потребно на сите нас пред предизвиците на ова модерно време. Се надевам дека и во иднина ќе имаме вакви средби каде и младите кривопланчани уште подобро ќе играат шах,а ние возрасните ќе им се восхитуваме, изјави на крајот од натпреватот, велемајсторот Кутиров.