Кривопаланечките кошаркарки се пласираа во Суперлигата

25.03.2021 19:20 | KumanovoNews

Женската екипа на КК „Крива Паланка“ се пласираше во Суперлигата, откако ја победи екипата на „Пробаскет“ од Кавадарци, со резулат е 93:65, во 14-то коло од Првата женска кошаркарска лига на Македонија.

Кривопаланечките кошаркарки се пласираа во Суперлигата

„Крива Паланка“ е во друштво на шестте најдобри екипи што ќе ги продолжат натпреварите во Суперлигата. Покрај КК „Крива Паланка“, од групата Исток суперлигашките мечеви ќе ги играат и „Баскет Кам“ од Македонска Каменица и ЖКК „Вардар“ Скопје, додека во групата Запад во Суперлигата се палсираа КК „Работнички“ и ЖКК „Бадел 1862“ од Скопје и ЖКК „Струга 2009“ од Струга.

„Она што го зацртавме како цел и го остваривме, а тоа беше пласман во Суперлигата. Работиме напорно сезонава, трета по ред во Првата лига, базирајќи се унапредување на нашите кошаркарки и усовршување на нивната игра повеќе од седум-осум години. Во преодниот рок направивме и некои промени во составот, донесовме две странски кошаркарки, а го засиливме и стручниот штаб со стратегот Слаѓан Ивиќ“, вели тренерот Ведран Белешковски.

(Ж.Ц.)

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk