„Куманово Еуроспорт„ на меѓународен турнир во Грција

Турнирот ќе се одржи од 9. до 13. април во Катерини, а ќе учествуваат најдобрите клубови  Олимпијакос, Панатинаикос, Паок, Ираклис од Грција, Партизан и Црвена Звезда од Србија и други клубови од Европа.

"Младинската фудбалска школа доби покана за три натпреварувања на генерациите:2002/2003, 2004/2005 и 2006/2007. Организацијата на турнирот е на многу високо ниво, одлични терени, дел од натпреварите ќе се играат под рефлектори. За нас ова е нов предизвик и ни претставува особено задоволство што сме поканети на овој силен меѓународен турнир, со овие познати фудбалски екипи. Ние ќе бидеме гости на фудбалскиот клуб „Паок„ во Солун, а децата покрај фудбалот ќе можат да прошетаат на стадионот и во фан шопот во Солун“, -изјавија од клубот.

„Куманово Еуроспорт“ е познат на кумановската јавност по одличните резултати постигнати на меѓународни турнири во Австрија и Србија, каде што децата се вратија со освоени медали и пехари.

Уписите за нови членови се во тек, а освен првенствените натпревари за сите генерации, фудбалерите ќе учествуваат и на меѓународни турнири.