Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарскиот клуб Куманово ја смени центарската линија пред почетокот на вториот дел од сезоната. Нови центри во тимот на Куманово се Жарко Ракочевиќ и Александар Андрејевиќ.
Андрејевиќ доаѓа во Куманово од тимот на Струмица каде што постигнуваше 18 поени и 9 скока во првиот дел од сезоната. Тој е висок 212 сантиметри.
Црногорскиот центар Жарко Ракочевиќ е второто засилување во клубот, а кумановчани имаа можност да го гледаат во БИБЛ лигата кога тој настапуваше за екипата на Рилски Спортист. Оваа сезона ја започна во унгарската екипа Атомерому, каде што постигнуваше 14 поени по натпревар.
Клубот го напуштија Ненад Мишановиќ, Игор Бјелиќ, Данило Неговановиќ и Урош Петровиќ. Во клубот за време на зимската пауза пристигна Марко Симоновски.
Преодниот рок завршува на 28.јануари оваа година, но според информациите од клубот, Куманово ја завршува својата активност на трансфер пазарот.
Зачленете се во нашиот клуб на читатели и најновите текстови ќе ги добивате на вашата мејл адреса
