Куманово сеуште е во борба за Супер-лигата

Услов за тоа е победа во следните два натпревара кои ги играат против Блокотехна на домашен терен и во последното коло против Шкупи, но и зависат од МЗТ Скопје кој во последното коло треба да победи против Фени и директно да реши кој ќе биде патникот во Супер-лига.

Кумановчани против Фени освен во почетните минути, имаа водство во текот на целиот натпрвар а во вториот период дури и максимални 15 поени предност кои носеа подобар меѓусебен дуел и посигурно место во вториот дел од првенството.

Сепак конечен резултат на мечот беше 82-88, а најзаслужни за победата беа Адем Мекиќ со 20 поени, Бане Ѓекиќ постигна 17 поени и Мирко Ковач придодаде 15 поени.

Натпреварот на сезоната Куманово го игра во петок против Блокотехна, каде што ќе мора да обезбеди триумф и со нетрпение да го чека последното коло каде што ќе дознае во кое натпреварување ќе продолжи да се натпреварува оваа сезона. Тој натпревар ќе се игра во 17:30 часот.