Македонија во следната фаза на Европското првенство во Данска

Се истакнаа со својата борбеност и го совладаа противникот со резултат 22-21.

Херојот на мечот беше голманот Борко Ристовски кој имаше вкупно 19 интервенции и го одбрани последниот решавачки шут за победа на нашата репрезентација.

Одигравме квалитетен натпревар. Мечот беше исцрпувачки не само во физичка туку и во психичка смисла. Остануваме да уживаме во овој успех кој претставува најдобар старт на Македонија со пренесување на два бода во следната фаза-изјави Ристовски.

И Кире Лазаров беше одличен со постигнати 8 гола, а со четири заврши Стојанче Стоилов, три погодоци запиша Бранче Ангеловски, а два гола имаа дадено Манасков, Филип Миркуловски и Гоце Георгиевски.

Среќата ни беше наклонета, пресреќни сме што победивме, ова беше возбудлив натпревар, се вративме од негативата што ја имавме во финишот на натпреварот и успеавме да дојдеме до победата, задоволен сум од конечниот ефект”, изјави селекторот Обрван по натпреварот.