Македонските кошаркари на мегдан со европскиот шампион Шпанија

Двата натпревари се дел од подготовките на двете селекции за престојното Европско првенство кое ќе се одржи од 4 до 22 септември во Словенија.

Иако во составот на „црвената фурија„ ќе недостасуваат Пау Гасол, Серж Ибака и Хуан Карлос Наваро, сепак Шпанија не само во дуелите со Македонија, туку и на престојниот Евробаскет важи за главен фаворит за шампионскиот трофеј.

Вечерашниот дуел кој ќе се игра во Сантиаго де Компостела од 21 часот, ќе биде втор меѓусебен на Шпанија и Македонија, кои првиот го одиграа во полуфиналето на Европското првенство во Литванија пред две години.

Во истиот термин со почеток во 21 часот, во среда во Лион, ќе се одигра и вториот натпревар, по кој репрезентацијата на Македонија ќе отпатува за Улм, Германија.

Таму македонската репрезентација ќе одигра три напревари, редоследно со, Грција, Германија и Босна и Херцеговина, селекција против која ќе игра и на европскиот шампионат во Словенија.